Le Nostre Poesie

La foto

La man vsin al capel!
ch’a buta ‘n vista l’aquila e ij canon!
ch’a speta! …na lustrada ‘nco a ij boton
lo sguard pì arbiciolu!!!
stòmi pì anans… du!!!
ferm un moment… parej…
passiensa… fat, bel sòldatin!!!

e mama l’ha butala ben an vista
ant la cornis dlë spec dël salòtin.

Vint agn dòp…
Chi ch’a le papà sto buratin
ch’a pògia ‘ns na còlòna ‘d cartapista?
A l’ha mangià un baròt për colassion
ò a l’é tant sbaruà mach da la vista
ëd col capon ch’arpiuma
su doi canon da stuva?!…

Papà l’ausasse, l’ha nen rispundù,
l’e ‘n dà a frogne ‘nt ël vej baul ëd ro:
Crispa!!! le camole am mangio la napin-a!!!
vanta buteje dl’atra naftalina!!! .

Carlo Regis

Da San Michele Mondovì

Alpin, muj e casermage
ij son carià soi long vagon,
tuti pront për ‘l gran viage
con gran salut e gròss magon.
Parta ‘l treno o fila via
travers i mont, i camp, i pian
s’un front che t’se nen com sia
dla toa tèra o l’ è tant lontan
O è nen ‘l Caucaso la mèta
ma na pian-a ‘n riva al fium
S’spara, s’sta ‘d vedeta
sotrà ‘n tan-e ‘n mes al fum.
Peu: longa, longa la fila
tra la fiòca, ‘l vent e ‘l gel.
J’Alpin a son pì ‘d “Desmila” (1)
chi vedran pì nen ‘l sò cel.

r. a.
(1) della “Cuneense”

Le penne nere

” Buoni e semplici
come eroi e fanciulli;
audaci e prudenti
come soldati di razza;
robusti, resistenti come il granito
dei loro monti; calmi, sereni come
pensatori e filosofi; col cuore pieno
di passione malgrado la fredda scorza
esteriore, al pari di vulcani coperti
di ghiaccio e di neve “.

Cesare Battisti

Na balada

Festa grossa con j’Alpin
Piuma neira sul capel
‘na buracia pien-na ‘d vin
doi balade, ‘na cantà,
‘na polenta ‘n mes ai prà
‘na matota… doi basin.
L’è ‘nco bel vourejsse bin!

(barbis)

Pare scarpon

Pare scarpon al fieul ch’a part an guèra
prima a lo ambrassa e peui aj dis: “Maté,
ten da ment che j’Alpin dla nostra tèra
pitòst… Dio an guarda… ma a dan pa andarè”

e l’fieul l’ha respundù: “D’acordi, pare,
lòn che ant ij vòstri temp l’eve fait voi,
sensa rimpiòc, mi l’hai già djlo a Mare,
i lo faroma, se Dio veul, ‘d cò noi…”.

E a l’è partì… So pare, an confidensa,
dòp ch’aj manca Maté l’è pi nen chiel,
ma drinta ‘l cheur per confortesse a pensa:
“Mi son gavamla… as la gavrà ‘d cò chiel”.

Ma ‘l fieul, lagiù, quand ch’a je scriv so mare,
ò quand ch’a lè strach mòrt ch’a ne peul pì,
a’nciava ij dent… “S’a l’ha tnù dur me pare,
viva l’Italia! i ten-o dur ‘d cò mi…”.

E cola neuit, ciapà ant un sèra-sèra,
che la mort l’ha cogialo s’un ciaplè,
l’è restà là, sota na branca ‘d tèra,
ma, com Dio veul, l’è pa tornà ‘ndarè.

Nino Costa
(N. Costa -Poesie Piemontesi )

U “Pieve” in A.O.I.

Badogliu l’ha scrittu: mandaime i Alpin
e tempo trei meisgi a guera a l’è a fin.
Da bravi surdai, pr daghe rajsijun
De tutu amu faitu cum grande pasciun.
. . . . . .

In giurnu u picu e l’autru a sciopu
n’an missu in marcia de gran galopu:
sbarcu a Massaia, u duze zenà,
au trei d’avrì, Chessad Ezbà.

U Negus-Negresti, a Passu Mecan
s’è vistu u leun scangiasse in t’in can,
a cua fra le gambe, a schena struscià,
j’ “Alpin da Marina” l’an faitu scappà.

I figli da Liguria, du munte e du ma,
u trentun de Marsu nu deve scurdà!
San Giorgiu l’è n santu du mundu abissin
Ma chelu de Zena protegge i Alpin …

Capitano Mario Trovato
Comandante di Compagnia del “Pieve di Teco”

La Banda

Su, seurtima
j’è la banda ch’a passa.
Ij pogeui j’an pià vita
e bësbijo ‘dco lor ‘nt ël so
bigiojà da le fio
e dal grign dle matòte.
Me pare
sul canton dla contrà
riessa nen a grigné
e tuti ij color
i trimolo dré al vel
d’un ricord sensa paròle.
Me pare
o l’eva n’alpin.
Su, seurtima
j’è la banda ch’a sona.

Ezio Briatore

N Fond d’la Stra

…ven-ra ‘n dì
che la ‘n found
ritrov-ruma
cula crous
che ogni dì
rifiûtuma…

La giû ‘n found a la strà
jè Nost-Sgniù.
E lè inûtil fe finta
d’nen véddlu,
o serchè d’ sérè joi…
Chiel le là.

Si …dacordi…
la strà le nen drita,
e le curve ‘l pì d’volte
Lu stérmu.
Ma, pensumie:
La ‘n found a la strà,
jè Nost-Sgniù
ch’a nu speta
‘nciodà.

…e a nû speta…
…e a fa sangu dal frije,
cun jöi fiss
cun le brass dûvertà
sû ch’la crous
da la gent bestemià.

…e a nû speta
la ‘n found a la strà…

Barbis

L ultima frontiera

Vecchio cappello alpino
a penna nera. Sacro, prezioso,
limpida bandiera.
Ricordo caro
d’una primavera.
Fido compagno
d’una vita intera;
stammi vicino,
ho freddo…
…si fa sera.

Vecchio feltraccio
rotto alla bufera,
frusto, ammaccato
liso alla visiera:
non mi lasciare…
questa è l’ora vera;
Sento… si appresta
l’ultima frontiera

Ti voglio assieme
all’ultima preghiera.

Barbis

Pare al fieul

I lavoro con la slojra
là ‘n col bene a buté a gran,
e a sò fieul che con brut deujt
a s-ciancona ‘ d nans ai beu,
pare a-j dis: “Lo seu, lo seu…
ti ‘t davani apress al seugn
‘d bandonéme… ‘ndé ‘n sità
e magara limosné
lò che sì a l’é a portà ‘d man:
tò travai, toa ca, tò pan.
‘T disle gnente se pieuvà
che tò cé, e peu tò pare,
mila vòte j’han cavà
con le sbèi con la sapa
nans d’ arnèsse a catè ij beu?
s’cassinòt che a son vansasse
pessa a pessa col sudor ,
e che at toca d’ ardità?

Dcò toa mare… che magon!
Ti ‘t piantèissi sù famija,
belesì, propi nt’el tò,
ij basin dij tò morfej
i scaudrio doi cheur vej!
E peu, credme, la n’ sità
lò ch’it dan… ‘t lo fan vagné.
J’heu sentì conté… seu pa…
ch’as travaja là ‘n caden-a…
mi seu nen coma che a sìa,
ma tutun l’idea mia
dun-a am fà pënse a cheicòs
dont as gropo ij përsoné.
E Dieu ‘n dfènda da na guèra!
Ti t’è giov, ‘t n’arodi nen
quanda tut dròcava ‘n tèra…
mì, a pensèje, om fà nco sgrèis.
T’eissi vist-je ij patachin
arcampèsse a la campagna
squasi ‘n fàuda d’una mama,
basta mach salvé la vita…
‘ndè ‘n ciamand na mica ‘d pan
e ‘n pajon ant na scapìta!

Barba Tonin

Mare paisan a

La piassa del pais l’è pien-a ‘d gent
Le bande a son-o
E’n mes al sol dIa bela matinà
As deurvo come ‘d fior
Al vent mila bandiere.

Ant j’eui risplendo come tante fiame
E tuti a guardo a fianc dël monument
Na macia scura, tuta faita ‘ d deul
Dova, sle veste neire, i cavèi gris
A luso tra le file’ d nastrin bleu.

A son le Mare ‘d guèra…
Tuti i “Caduti” con le soe midaje.
Vaire ch’a son?.. Mi lo sai nen.
Un-a i na vedo: chila sola…
Mare paisan-a, con la front rupìa
E le man sëcche,
Dova che le fatighe del dolor
E le fatighe del travai dla tèra
A smia ch’a l’abio lavoraje ‘n solch
A dì per dì.

L ‘hai nen vistla piorè,
Se anche a pioreissa
Le làcrime as perdrio su la soa facia
Come stisse dIa pieuva an mes dl’istà.
La tèra ai beiv brusà da la suitin-a
Senssa lassè la marca…
Ferma dëdnans al còro dle canson
Come la stàtua ‘d pera
Martlà dal sò destin
Tut a vèd, tut a sent, e a parla nen…
Mare dël Fante, Mare d’un Alpin…!

Carlo Baretti
( da “Piuma bianca”, Ed. Pietro Micca )

J’E’ scarpon

Ij re dla montagna
Alpin, giovo e vej,
s’as treuvo ant la bagna
son tuti fratei.

A deurmo për tèra
ai pias ël vin bon
ma ‘n pas, come ‘n guera
son cheur da leon

e dnans a na bota,
o contra ‘l nemis,
j’è gnun ch’a s-n anfota
j’è gnun ch’a tradis

Spale quadre – teste fiere
gent da bote e da canson;
le cossiense pì sincere
a son cole djë scarpon.

Se ‘l crij dla tormenta
traversa ij giassè,
le gent së spaventa
comensa a scapè,

ma contra le fiòche
ch’as mugio, ch’a van,
pi dur che le roche
j’Alpin as dan man,

e ‘l vent dla tempesta
che a campa giù ij pin
a bassa la testa
davanti a j’Alpin.

Sla neuva frontiera,
sle strà dij camoss,
tacà la bandiera
j’è sempre na cros.

Su tute le roche
Da riva a Tolmin
su tute le fioche
l’è mortie ‘n Alpin

e ij brich dla vitoria
cascade e valon
a canto la glòria
dij nòstri scarpon.

Nino Costa (da “Poesie Piemontesi”, Ed Cenacolo – To)

Piuma bianca

Oh nò! dis le scarpon, l’è una busìa,
Peul pà ‘l Magior andessne via da sì,
La mòrt a basta nen për porte via
El Comandant del Batajon Mondvì

Dòp la tempesta ‘l cel l’è arserenasse
E as sent pì nen a barbotè ‘l canon,
I rumor dla bataia a son calmasse,
Ma su la boca a meuir ògni cansson

La colòna desteisa sla montagna
A speta fërma per avei l’ onor
Che ‘nt la marcia ‘d vitòria ai sia compagna
La salma eròica dël sò bel Magior .

E Chiel a ven slongà su la barela,
Capel alpin con la soa piuma drita.
Presente!… Ant l’urlo, l’anima soa bela
Va verss ël cel come una fiama ‘d vita.

Un colp da traditor, un colp sassin
L’à smortaie ‘l soris sla facia onesta,
Ma su le spale dij so bravi alpin
El Comandant a l’è ‘ncor sempre an testa.

Avanti!… che la trupa a s’ancamin-a
Verss la tèra nemisa conquistà,
Mentre l’aria dla seira ch’a s’avsin-a
Arbomba dël rumor dle scarpa frà.

E’1’nòm dël Cap dla gioventù gueriera
Percor tuta la fila a l’incontrari,
Come na lauda ò come na preghiera
Ch’a passa tra le gran-e d’un rosari.

Oh nò! dis lë scarpon, l’è una busia,
Peul pà ‘1 Magior andessne via da sì,
La mòrt a basta nen per por tè via
El Comandant del Batajon Mondvì!

Carlo Baretti (*)
(da “Piuma bianca” -Ed. P. Micca -nr. 7 -Torino, pag. 9)
(*) figlio di Eraldo, poeta monregalese (1888-1946)